DORMAN MANIK

Borngin I

Di mulak au sian parjalanganki

mulak tu huta ni dainang i
nungga tung leleng naso pajumpang i
nang tu sidongan magodang i 
Las do rohangki dinasahat au tuhuta
pajumpang dohot boru ni tulang i
songgot ma rohangki disi huida i
holan alani uli rupana i

Reff...
Borngin i borngin i 
dang tarpodom mataki
holan paingot-ingot ho ala ito
borngin i borngin i
sai tuho lao rohangki
andigan ma au ito 
boi pajumpang dohot ho

TRIO PANS

Sidikalang

tarsunggul... 
tarsunggul rohakki
tu huta hi, tu sidikalang nauli

masihol, 
masihol au tusi
tu huta hi, tu huta hatubuan hi
nang pe dao paratoan hi 
hollan tu ho do rohangki

masihol, 
masihol au tusi
tu huta ki, tu huta hatubuan hi
nang pe dao paratoan hi 
hollan tu ho do rohangki

sidikalang.. disi do pusok hi
sidikalang... dang boi tarlupahon

masihol au, malungun au
mulak tusi, tu sidikalang nauli

Bohado Hasian

Boha do hasian

lao mangalupahon ho

Dang boi tarbahen au

manghapus ho sian rohakki

Takkas di boto ho

holongki mancai bagas tu ho

Ai hollan ho sambing

nasai manggohi rohakki

Bohasa hasian

gabe mungging rohami

Lao doho tu nadao

manadingkon au ito

Tung pulut do rohami

mambahen marsahit lungun au

Ai hollanho do naboi

mangubati rohakkon

Boha nama au annon

molo dang jumpang au tu ho

Hancit nai pambaenan mi tu au..

MARSADA GRUP

Ahama Natau Si Ingotonku

Ahama natau si ingotonku
Da sian ho ito da hasian
Arian borngin sai tung ma tangis au
Lao mamikkiri pangalahom
Ido na mambahen au gabe mandele
Tu ho ito...
Molo songoni nama ujungna
Tumagonan ma hita marsirang
Nangpe didokkon ho holong roham tu
au ai dang tu ahai dahasian
anggo rohakki ito ai dang be muba tu ho ito

Boasa dung saonari gabe muba
Dunghon malala rohakki dibaen ho
Sai hubilang-bilangi dirohakku
Tumagonan ma dao au sian ho
Dang rokkap ni tondi naikkon marsirang
Hita nadua..

Bulani Do Gabe Saksi

Di topi tao toba i

ditikki di rondang ni bulan i
hundul ma au rap dohot ho
massai sonang tahe ditikki
Ditiop ho ito da tanganki
huhut ma dihusippon ho tu au 
naso jadi sirang hita nadua
massai sonang tahe ditikki i
bulan i do gabe saksi 
disasude na i
bulan i do gabe saksi 
dipambahenanmi
unang tinggalhon au
unang pasombu au
ai holan ho nama nampuna au

Patik Palimahon

Aha do among sibahenonku tu ho

Na boi palas roham, di hatuaon ni umur mi

Tung tao na bagas pe langeanhu do

Mandiori pinarsinta ni roham

Asa boi paganjang umur mi

Dia be inang pangidoan ni roham

Bahenon ni anak mon

Asa tung las nang roham i

Nang aha pe inang sai luluanhu do

Na sa natolap gogohi

Asa boi pasonang roham

Reff:

Sude parsatongkinan do

Nasa na di hasiangan on

Ndang arta ni portibion na naeng sipasahatonhi

Jalo ma sombanghon inong

Jalo ma sombanghon among

Ni dok ni patik palimahon i

Pasangaponhu natorashu

Indo nang siulahanhu

Tu ari na naeng ro

Ido nang sisombahonhu

Tu ho among inong

Marsomba ujung ahu

Tu ho among, tu ho inong

Sai pasu-pasu ma hami pinomparmon

Memehonhu ma atong, tu sude pahompumon

Asa tung diantusi be muse, pasangaphon natorasna

TRIO TOGAMA

Di Sungai Siak

Di sungai siak na di pekanbaru i
Disi hita ito marpadan ujui
Dihaol ho ma au sai maraburan ilu mi
Malengleng roha hi mamereng ho
Terlena sai terlena au ito
Umbege hata nang dohot janji mi
Jangan tingalkan aku jangan tinggalkan aku bang
Ido hatam tu au da hasian
Hape dung lam martopi ma ito bogas ta i
Ro ma hatam ito mandok tu au
Kalau tidak satu agama dengan orang tua
Tak mau mereka menerima abang menantunya
Ku harap abang pikirkanlah dulu matang matang
Agar jangan menyesal
Ai alani agama do ito da hasian
Ikkon marsirang ma na marsihaholongan
Anak ni parhalado do au on ale ito
Dang tarbaen au dope lao mangihuthon hata mi
Maaf kan lah aku maafkan abang oh saying
Jangan kau ingat lagi
Nungnga piu be songon tali i
Putor songon lakkitang
Nungnga songon na mali ali i
Dunghon hita marsirang

LAURA NICK MANULLANG

Haholongi Au, Sayangi Ma Au

Mago do sude arsak ni rohakki
Molo dilambunghu ho
Sonang rohaki rap dohot ho
Ito haholongan

Reff:
Haholongi au sayangi ma au
Saleleng ni lelengna
Bahen au ito hot di rohami
Unang adong na asing

Sotung muba ho
Sotung lupa ho
Tung so jadi sirang
Au dohot ho...

SIMANJUNTAK STAR

Tarunduk Au

Tarunduk au tarunduk au
Di hata mi o tondi hu
Tagan so borhat dope au
Taripar dolok natimbo
Ai dibahen ho do hata sipeopon hi
Ai dibahen ho do hata si peopon hi
Hassit nai, dangol nai
Pambahenan mon ito tu au
Bernit nai, parir nai
Di au on mate poso
Ai so na adong na manjakkon au
Diluat na dao
Ai so na adong na manjakkon au
Diluat na dao
Reff.
Tu panikkotan ma hape
Da luluan hu tondikku
Sotung sumolsol ho muse
Di au anak ni napogos on
Asa tung sombu sombu ma roham
Di au da ito
Asa tung sombu sombu ma roham
Di au da ito

DOMPAK SINAGA

Ahu Do Na Mamillit

Holong ni roham tu au nasai laon
tung gomos tutu doi hu golom
hu hatahoni tu ho nuaeng ito
asa dao do bada sian hita

Reff..
uli dibagasan ate-atengki
holan ho do nasai mangingani
nangpe tung godang namangambati au
dang olo au ito marsirang sian ho
alana au do na mamillit

molo tung adong ito tarbege ho
namandok na solomo rohangku
unang ma ito porsea ho disi
ai dang marsidua ho

back to reff..
unang sai mabiar ho...
mangihuthon au ito
manang na tudia pe
sai huboan doho dibagas dohangki
ito... ito....oooo..

TRIO DELIMA

Aha Do Salakku

Aha do dia do
umbaen sai ihuttonnon mu au
unang be unang be
sai ro be ho tulambung hi
Ho do ito ho do ito
na ujui na maninggalhon au
tung hassit tung ngotngot
pamabenan mi tu au ito
Reff..
Ai so huboto alana
nasala hubaen
pambaennakki tu ho
na gabe so not matakku
holan mamikkiri aha dosalakki
disegai ho piikkiranku
dibereng matakku
dituntun ho ito digandeng ho ito
si boru dongan sasikkola hi

Rasa Cinta

Boasa hita ikkon pajumpang
naso hea tartagam au
boasa hita marsihaholongan
ai dang hurippu
sian na jolo ae so hea do
dapot rohakku hasian
dung saonari ganup borgin
bohim targombar
ai molo pattang boi makkatai maila au
dang not matakku nang hupapitpit
simalolong ki
rasa cinta na huhila dang na holan hata-hata
rasa cinta na huhila sian pat tu simalolong
ai so marlaba hamoraon ai so marlaba arta i
unang hita marsirang
molo holan alani si nadongan
molo so ada satetes ombun
bulung ni jambu dang boi rata
molo so olo ho ito dilambung hu
dang tarhatahon
alai tu ise ma mangalualu
molol masihol au tu ho
dang not matakku nang hu papitpit
simalolong hi

RANI SIMBOLON

Haholongi au

Mago do sude arsak ni rohaki
Molo dilambunghu ho
Sonang rohaki rap dohot ho
Ito haholongan

Reff:
Haholongi au sayangi ma au
Saleleng ni lelengna
Bahen au ito hot di rohami
Unang adong na asing

Sotung muba ho
Sotung lupa ho
Tung so jadi sirang
Ahu dohot ho

Huhaholongi

Hu haholongi do ho sian ias ni rohakku
Hu hilala doi hasian holan ho do
Na tarpangan rohakki

Hu sayangi do ho sian nasa pikkiranku
dang hasuhatan ho bagas ni
Holong na di bagas rohakki

Arian nang bodari sai tu ho do pikkiran ki
So boi tarpodom au molo so huida bohimi
Sugari ma nian boi au jonok di lambung mi
Sonang ma rohakki hasian na lagu...

Lungun Ni Rohakki

Di tonga ni borngin i
di rondang ni bulan i

hundul au martutukkian hasian
sai hutatap bulan i ,...ito
Dungkon lao maho ito
borhat tu nadao
sai hohom lungun-lungunan au ito
holan paingot-ingot ho hasian
aut boi ma nian
tardungdung au bulan na diginjan i
suruon ku do ito
lao mandapotonhon ho diborgin i
asa diboto ho lungun ni rohakki
tung so tartaon au
nang sihol ni rohakki
molo dao ho lao sian lambungki

Tinggal Ma Haposoon

Satokkin nai nama...
tinggalhononku ma hape...
sudena haposoon i...
naeng sahat nama au hape dihatuaon i...
Lungun do rohangki...
lao maninggalhon i sude...
dihaposoonki tahe...
godang do siingotonki dang tarlupahoni sude...
Reff :
Borhat nama au hape....
tinggalhonku ma sude...
akka sidongan magodang i nahuhaholongi i..
Nang pe borat di rohakku...
naikkon dalanan ku do...
Dang haulahani sude dagingki mulak poso...
lungun do rohakki

TRIO PERMATA

Gombaran mi

Surat sian donganmi nama pabotohoni tu au ito
Naung marbogas ho ito da hasian
di bulan naung salpu
di tongos ho tu au gombaran pamasu-masuan mi ito

Dang tarsuhat dinalungun hi,
Marsalaon ate-ate ki
Sai maos hupanoknoti gombaranmi ito saburma ilukki
Gotap mai sude harapan ki rap sauduran dohot ho

Hape padan naung tapudun i
Tikki rap hita diborngin i
Ise na mangose padan manang lupa di janji
Tung naso jadi gabe

Hape hodo namangose i
Hatana ni undukmi
Huribaki nama i gombaranmi it
Unang sai huingot ho

Alai naeng pe songoni
Mangopu rohakki, gabe maho ale ito

TRIO AURA

Lalap Marpogos

Saleleng nga loja daging ki
magalului ngulo-ngulo
nasinari sosadia
laos soboi parbodarian i
ni ulado do si ulaon i
nasa tolap ni gogokki
alai tung so marhusor do
parngolu-ngoluokki tahe

Reff:
Lehon ma di au pajampalan nalomak
unang sai marsak au asi roham di au
nunga tung haccit hutaon jala tung parir
di parngoluakki nasai lalap marpogos
nunga loja au nasai marhias martuduki
da na saleleng on urupi au oppung mulajadi nabolon
mula jadi na bolon
mula jadi na bolon

TRIO SATAHI

Marboru sileban

Jangkon ma inong, da parumaen mon
Nang pe boru sileban i
Na gabe rokkaphi
Jangkon ma hami gelleng mon
Si laosi poda i
Asa sai horas, sai gabe hita on
Asa sai horas, sai gabe hita on


Tung pe inongku, tung so tarbahen au
Na tinodo ni rohami
Na gabe parumaen mi
Ai parumaenmon do dainang
Na pature-ture hon au
Di tano parjalangan i
Di parjalangan di luat si leban i

Reff

Nang pe torop akka si solhoti
Soada i na manarihon au
Boru si leban ondo inongku
Na sai tong-tong mandulo au inang
Di parsahiton, nang di sitaonon i
Di parsorion, nang di sidangolon i

BUNTHORA SITUMORANG

Dinalao Au Marjalang

Dinalao au marjalang tu jakarta uju i,
Holan sada do tona ni dainang i,
Burju-burju maho amang, dung sahat ho diranto mi,
Sotung gabe marboru jawa, manang marboru cina ho,
Ido didok dainang i,

Ai nunga serep anggo rohaku,tu haham nasasada i
Naung marboru sileban i, ai holan ho nama amang
Naboi siparbagahonki namangoloi ajarni inangmu,
Ingkon marboru toba i,
Ido didok dainang i,

Reff:
Hape dung sahat au tu jakarta, jakarta naribur i
Gabe lupa do au inang, disude na poda mi,
Hu tuntun do inang, nasolomo ni rohami,
Gabe saut ma au inang tu boru nasomarga i,

Hape dung sorang ma inang, inang pahompu mi
Gabe tarjolma ma au inang natois tu ajarmi,
Lungun ma rohaki, dang tardok au sudena i,
Ai so adong naro sisolhot mamohol i si butet on,

Back to Reff

Marboru Sunda

Marsak do rohaku da amang
Dungkon hubege baritam
Naung gabe marboru sunda ho amang
Ia tung gabe lupahononmu ma hutam
Bale bale ta ntiris i disi do ho mangodang ale amang
Da hatutubuan mi disi do pusok mi Da hatutubuan mi disi do pusok mi

Nungnga gabe lea hujalo sian tulang mi
Holan ala pambahenanmu hasian
Jala naso si jalonta songon i
Rodi sian hombar jabu dohot dongan sahuta
Ale amang Lao mamursikkon au
Ala baritami

Ngaro be sasude akakhahanggi tulangmi
mandokkon asa hubaen surat
tu ho aman lao manirangkoni
Ripe mi … alai sasude do amang
Gabe hujua hatai
Namandokkon sirangkonon mu ripemi
Hata naso sijaloon ta songon i
Alana gabe doho amang
Maranak nang marboru i do tutu
Boan Pahoppuki nang parumaen ki
Maranak nang marboru i do tutu
Boan Pahoppuki nang parumaen ki

TRIO VERSI

Marnini marnono

Burjumi tu hami gelleng mon
Tung so tarlupahon au dingolukki
Diparmudumudu ho dihaholongi ho
Do hami anakkon mon

Haduan dung margogo au tahe
Balosonku do sude pambahenan mi
Bahenon ku ho sonang bahenon ku ho sangap
Damang dainang i na burju i

Reff..

Ale Tuhan ramoti ma tongtong
Daamang i dohot dainang i
Padao sahit padao mara
Sian daging nang tondi nai
Lehon umur na ganjang
Sahat tu sari matua
Lehon roha na sonang
Sahat tu marnini marnono

Lehon roha na sonang

Sahat tu marnini marnono

TRIO ULIDOS

Diluar Jangkauan

Dung huntanda ho ito.
Jatuh cinta ahu ito.
Hudok ma hata holong.
Ias roham manjalo au.
Dung mardalan ma ito
Hubunganta dua taon.
Gabe curiga au.
Mamereng sifat mi.

Sai sukkun sukkun do roha.
Siganup ari i.
Dang na ujui be pangalusimi.
Sai tompu doho mangalusi hatakki.
Au pe nungga gabe bingung.
Marnida ho ito.

Molo jumpang malam minggu.
Nasai rap do hita ito salelengon.
Alai boasa diborngin on.
Dang huida ho ito dilambunghi.

Molo hu telepon handphone mi da ito.
Diluar jangkauan do alusna.

Manogot nau ro do ahu mandapothon ho.
Husukkun ma ho ito sian dia nabodari.
Na over time do au nimmu do mangalusi au.
Hape tarbege au sian akka dongan mi.

Si bawa na asing do hape ito.
Na gabe mandongani ho.

Sai sukkun sukkun do roha.
Siganup ari i.
Dang na ujui be pangalusimi.
Sai tompu doho mangalusi hatakki.
Au pe nungga gabe bingung.
Marnida ho ito.

Molo jumpang malam minggu.
Nasai rap do hita ito salelengon.
Alai boasa diborngin on.
Dang huida ho ito dilambunghi.

Molo hu telepon handphone mi da ito.
Diluar jangkauan do alusna.

Manogot nau ro do ahu mandapothon ho.
Husukkun ma ho ito sian dia nabodari.
Na over time do au nimmu do mangalusi au.
Hape tarbege au sian akka dongan mi.

Si bawa na asing do hape ito.
Na gabe mandongani ho.

SIHAPOR BAND

Tung So Tarlupahon

Tung so tarlupahon sasude nai ito na uju i...
Gabe lupa ho sasude nai i ito pargaulan tai...

Hancit nai pambaenan mon tu au ale hasian,
so hurippu songoni pangalahom tu au
Hancit nai pambaenanmon tu au ale hasian,
sohurippu songoni pambaennanmon...

Gabusanmu ma au hape au sibaoa adion
Gabusanmu ma au hape ale ito haholongan...

Gabe lupa ho sasude nai i ito pargaulan tai...

Hancit nai pambaenan mon tu au ale hasian,
so hurippu songoni pangalahom tu au
Hancit nai pambaenanmon tu au ale hasian,
sohurippu songoni pambaennanmon...

Gabusanmu ma au hape au sibaoa adion
Gabusanmu ma au hape ale ito haholongan...

TRIO CENTURY

Horas Ma Ho Boru

                      Sai ho..ras maho..2X                        
Boru hasianku…
Sadarionma tikkina borukku
Naikkon borhat namaho…
Borhat maho mangihutton helakki
Sirokkapni tondimi
Nagabe so… sian haposoon
Hotma ho dihatuaon

Sai horas maho 2X..
Boru hasianku
Burju maho padenggan parangem      
Tuhelakku siadopanmi
Malo maho manubut simatuami boru hasianku
Asa….tanda maho inang.. boruni raja
Ingot mai inang 2x…
Diakka podaki

Reff :
Sai ingotma dipadan naung diundukmi
Nadi garejai dijoloni panditai
Tung sojadi marsirang boru hasianku
Ido hatani Tuhani
Tangiang nami natua-tuamon
Tiurma lakkami mangihutton helaki
Sai tubuan anak dohot boru mahamu
Donganmu saur matua

Uju Dingolungkon Ma Nian

Hamu anakkon hu, tampukni pusu-pusuki
Pasabarma amang, pasabarma boru
Laho pature-ture au.

Nunga matua au jala sitogu togu on i
Sulangon mangan ahu, Siparidion au
Alani parsahitokki.

Somarlapatan marende, margondang, marembas hamu
Molo dung mate au.
Somarlapatan nauli, na denggan, patupaon mu
Molo dung mate au.

Uju di ngolukkon ma nian
Tupa ma bahen akka nadenggan
Asa tarida sasude
Holong ni rohami, namarnatua-tua i

GRETHA SIHOMBING

Jaloma Tuhan

Hu somba ho Tuhan
Marsinggang diadopan mi
Tiop ma au togu ma au
Tu dalan natigor i

Sai tatap ma Tuhan
Hami angka pardosaon
Sai jaloma tangiangki
Sai dongani hami on

Ajari au o... Tuhan
Dihahuranganki jotjot sai
Hulaosi patik mi
Ramoti ma o... Tuhan
Di nasa langkaki
Unang tarlandit au
Di dalan i
Jaloma jaloma tangiang nami on

CHARLES SIMBOLON FT JOEL SIMORANGKIR

Mandar Ni Dainang

Aut sugari holan au na tarhirim di baen ho
Dang pola songonon godangni ilu-ilukki
Dang pola songonon hassitni sitaononhi
Di paninggalhonmi di au ito
Dohot do dainangi mansai marsak hasian
Marnida goarmi manjaha gokkonmi
Ho nanaeng tarpasu-pasu

Aut naboi ma makkatai mandar na binoanmi
Pajojoronna do hata naniundukmi
Di tikki na marpadan di joloni damangi
Na ikkon saut maho parumaennai
Mandarni dainangi mandar tanda matai
Denggan do hasian denggan di jalo ho
Songon mandar parpadanan


Pinahan lobu dohot boras
Nang sinamot pe ito
Nunga rade sude di baen damangi


Manomu-nomu harorom
Na lao parumaennai
Asa tanda maho ito boruni raja
Asa sangap ma ho tu dongan hutai


Hape lao do ho
Di tinggalhon ho do au hasian
Gabe tarhirim au dohot dainangi

NIXON SIMANJUNTAK

Martopak Sada Tangan

Malo nai ho hasian na mangotoi au
songon pidong au hona sambil au dibaen ho
Gait-gait mu do hape dang na toho i sude
holong mi nasa ujung ni obut pe
dang di lehon ho roham tu au ito

Satonga mate au ito manghaholongi ho
hurippu do burjum ito mangundun hata i
meam-meam do hape holan gabus do hape
holong mi haccit na diau ito
holong hi martopak sada tangan

Tumagon nama au lao hasian mandao sian ho
tumagon ma lupahon non ku ho sian bagas rohakki
dang olo au ito dang olo au sega alani ho

MELODY SISTER

Salendang Tanda Mata

Sada-sada ma ilungki sai maraburan hasian
Marningot ho nadisi hadaoan i
Tung ngolngolan do au ito
Paimahon baritam
Hape laos so marna ro

Boasama gabe gotap
Boham tu au da hasian
Boasa ma ikkon pulut roham tu au
Mambahen au tarhirim songon na
Paimahon bulan di hos ni ari

Reff...

Salendang na nilehon mi ito
Na gabe saksi dipadanta i
Tung ima mangapusi ilungki
Paima diharoromi
Molo lupahononmu au ito
Tupandelean luluanku hasian
Salendang tanda mata nanilehon mi
Piuonku bahen paningkotanhi

ALEX HUTAJULU

Manduda Bayon

Rap hita nadua hasian manduda baioni
Rap hita nadua hasian tu parmahanan i
Laos hugalmit ma ito da hurum mi
Mekkel suping ho tu au
Holan ho na ma ito, holan ho do hasian
Bunga ni ate-ateki

Pos do rohami tu au ito, songoni nang au tu ho
Songon aek tu na mauas i sihol hi tu ho ito
Molo so pajumpang au dohot ho marsahali sadari
Sai busisaon au, sae busisaon au
Ala ni holong hi tu ho

Reff.

Ias do holong mi tu au ito
Songon bottar ni bajumi
Ndang marhaulahan burjumi lagumi tu au ito
Ikkon ho nama ito, ikkon ho do hasian
Parumaen ni dainang i

JOY TOBING

Parsirangan

Di endeku ho hutonahon
Bohimi sai hot di rohangki
Tung so boi be ho huhalupahon
Sai jotjot ho ro tu nipiki

Rap na jolo hita sian huta
Tolu ari tolu borngin ndang ni hilala
Martata huhut martolha tolha
Laos disi do tubu holong ni roha

Jumpang ma ujung ni pardalanan
Tangis ahu ito di ari parsirangan
Tung gomos tangan mi marsijalangan
Sude na i tahe ndang tarlupahon

Di endeku ho hutonahon
Bohimi sai hot di rohangki
Tung so boi be ho huhalupahon
Sai jotjot ho ro tu nipiki

Tu dia ho luluanhu
Tolu taon sai tarpaima ahu
Sai andigan ma hita pajumpang
Naeng pajumpang pasombu siholhi

Ai ho do tuhan

Dang alani hagogoon hi
Boi ahu mardalan di ngolungkon
Aut unang Ho na di lambung ki
Tung so boi ahu songon on
Ho do hagogoon manungkoli ahu
Hubereng bohim laos martangiang au
Mangido pangurupion di au
Sai tiop tanganku sai togu ma au
Ai ho do tuhan prgogo di au.

Didia

Lungunma ho ale dolok
Lungunma ho ale rura
Lungunma ho da hutakku
Nang ho tahe tao na uli

Di tingki di najoloi
Gok do angka naposo i
Marende di alamani
Mamuji hahulianmi

Didia do nasida?
Naposo sinajolo i
Nahung lao marhuta sada i
Uju haposoon i
Godang naung tarbarita
Manjalo pasu-pasu i
Alai ingkon tarhirim ho
O, tano Batak nauli
Hape sai diendehon do ho
O, tano Batak nauli...

Alusi ma ahu ale alogo
Alusi ma ahu ale ombun
Alusi ma ahu ale bulan
Nang ho bintang na rumiris