TRIO AMBISI

Boru Panggoaran

Ho do borukku
Tappuk ni ate atekki
Ho do borukku
Tappuk ni pusu pusukki,

Burju burju maho
Namarsikkola i
Asa dapot ho
Na sinitta ni rohami

Molo matua sogot ahu
Ho do manarihon ahu
Molo matinggang ahu inang
Ho do namanogu-nogu ahu

Ai ho do borukku,
boru panggoaranhi
Sai sahat ma da na di rohami.
Ai ho do borukku,
boru panggoaranhi
Sai sahatma da na di rohami

Dos Nakkok Na Dos Tuat Na

Unang ho mandele jala unang pittormarsak
molo pintor ro akka sitaonon i
Ikkon sabar do lao manaon sude
parsorion dohot akka sidangolon i
Sai ulama akka na denggan sai
padao ma molo tung adong pe namanusai pikkiran mi
Asa sonang roham…asa sonang roham
Lao mangula sasude akka ulaon siganup ari i

Molo sabar ho jala burju-burju
ho mangula akka si ulaon mi
Dang tagamon so dapot mu sasude
akka na pinarsitta ni roha mi
Denggan ma nang parngoluon mu jala sonang
manang pikkiran mu so haribo-riboan i
Jala akkup ni i… unang ma ginjang roham
Unang ma leas roham mangida jolma na mauas na male

Reff :

Dos do nakkok na jala dos do
nang tuat na anggo di parngoluan on
Molo sinuan hassang…hassang do na tubu
Molo sinuan gadong ..gadong do na tubu
Molo sinuan na denggan .. Sai na denggan do na ro
Molo sinuan na roa,.. Sai na roa do na ro

Dibahen i ulama akka na denggan
jala sai urupi akka jolma
na mauas na male dohot na loja na gale…
Asa denggan sude…asa renta sude
Ai on do hinalomohon ni tuhan i