TRIO BONIAGA

Pilar Panatapan

Diingot ho dope da hasian
dihaposo on di naujui
nangpe tung so dihatahon
rohai marsiantusan dibagasan

Ujui hita pajumpang
di terminal siborong-borong
ho naeng lao tu huta ginjang
au naeng mulak tu sibandar

Dibagas motor i, hutiop tangan mi
tung sohupardulihon, na dilambungki
dipilar panatapan jonok ni hutami
goarmi nga husurathon rap dohot goarhi
baen parningotan i ito dingolukki

Alai leleng hita pajumpang
dung lao au tu parantoan,
siholhi sai marsigor-gor
nungnga didia ho nuaeng

Surat Narara

Disi hujalo surat mi ito
Nga tung massai leleng so marnaro
Tu tangan hi
Tung massai las do rohakki
sombu nang sihol hi

Hujaha ma isini surat mi
Tarsonggot ma au ito
Manjahai, manjahai
Surat na tinongos mi tu au
Surat na rarai
Hooooooooo… surat na rarai
Hooooooooo… surat parsirangan I

Reff.
Toppu nai songgot nai
Ditostos ho harapanki
Didokkon ho lupahononmu do sude
Janji mi na tu au

Dukkon digali ho ma lombangi
Nasa boi timbungonki dalan na pasidingkon au
Nungnga digotap ho be dalani
Manggotap rohakki

Sai maraburan ma da ilukki
Marningoti sude
Janjittai na ujui
Hape dung lao mangoli ho ito
Sirang nimmu tu au
Hooooo.. sirang nimmu tu au
Hoooooo.. hassit nai

Kenangan

Tuntun ma dalanmu hasian
Tadingkon ma au
Unang pola ganggu roham i hasian
Borhat ma ho

Dangna so sayang au tu ho
alai dang tardok au
Loas ma hututup holongki tu ho
tinggalhon ma au

Nang pe huhaholongi ho ito
alai dang rongkaphu
Burjum tu au na salelengon
kenangan nama i...
Unang adong dihita
Gabe hancit ni roha
Jalang ma au ito...